لاہور(نمائندہ سپورٹس+سپورٹس رپورٹر)پاکستانی ٹیم نے ورلڈ سافٹ ٹینس چیمپئن شپ میں برانز میڈل حاصل کرلیا۔ چین کے شہر تیزو میں کھیلی جانیوالی چیمپئن شپ میں 30 ممالک نے حصہ لیا۔ پاکستان ٹیم نے پہلے میچ میں ویت نام سے 0-2 سے شکست کھائی۔ڈبلز میں عباد سرور اور محمد علی نے ویت نام کے ٹرین وینچواور ڈونگ مینٹرو کو 5-2 سے ہرایا۔ دوسرے میچ میں عباد سرور اور محمد علی نے ڈبلز میں ملائیشیا کو 3-5 سے شکست دی۔ سنگلز میں محمد مبین نے 2-5 سے شکست دی اور پاکستان نے میچ 0-2 سے جیتا۔ پاکستانے جمہوریہ چیک کو 1-2 سے زیر کیا۔ ڈبلز میچ میںعباد سرور اور محمد علی 0-5 سے شکست سے دوچار ہوئے مگر سنگلز میں محمد مبین نے 0-5 سے میچ جیتا۔ آخری ڈبلز میں سعد احمد اور سرور حسین نے جمہوریہ چیک کو 2-5 سے شکست دیکر سیمی فائنل میں جگہ بنائی۔سیمی فائنل میں کمبوڈیا نے پاکستان کو 0-2 سے شکست دی۔