لاہور(نمائندہ سپورٹس+سپورٹس رپورٹر)آسٹریلیا کیخلاف دوسرے ٹی ٹونٹی میچ ہارنے کے بعد قومی ٹیم کے کپتان بابر اعظم کا کہنا ہے کہ میچ ہارنے پر بہت افسوس ہے، سٹیو سمتھ نے شاندار باری کھیلی۔ دونوں ٹیموں کے درمیان فرق سٹیو سمتھ کی باری تھی جنہوں نے بہت ہی شاندار باری کھیلی۔بڑے ٹارگٹ کے حوالے سے کہا کہ یہ بہت مشکل ہوتا ہے جب وکٹیں جلدی گر جائیں، ایک مرتبہ پھر فتح حاصل کرنے کیلئے مومینٹم بنانا پڑیگا۔ افتخار احمد کی بیٹنگ کی جتنی تعریف کی جائے وہ کم ہے، پاکستانی مڈل آرڈر بیٹسمین بہت ہی شاندار اننگز کھیلے۔مین آف دی میچ سٹیو سمتھ کا کہنا تھا کہ اپنے گھر میں میچ جیتنا ہمارے لیے بہت ہی خوش آئند ہے، میرے خیال میں باولرز نے اپنا کام بخوبی انجام دیا، اس وکٹ پر سکور 170 رنز بھی بن سکتے تھے تاہم ہمارے باولرز نے بہت ہی شاندار باولنگ کی۔فاتح ٹیم کے کپتان ایرون فنچ کا کہنا تھا کہ میرے خیال میں آج کا دن ہمارے لیے بہت ہی شاندار تھا، باولنگ کے دوران جلدی وکٹیں حاصل کرنا ٹرننگ پوائنٹ تھا کیونکہ میں جانتا تھا کہ پاکستان کو ایک بار موقع مل گیا تو وہ آگے نکل سکتے ہیں۔ باولرز کی طرف سے حریف بیٹنگ کو جلدی پویلین بھیجنا فرق ثاثبت ہوا، ہمارے پاس سٹیو سمتھ جیسے پلیئر ہیں جو میچ ونر ہیں جو حالات کے حساب سے باری کھیلتے ہیں۔