اسلام آباد (این این آئی)ریئر ایڈمرل زبیر شفیق پاک بحریہ کے کمانڈر سنٹرل پنجاب تعینات کر دیئے گئے ۔ منگل کو ترجمان پاک بحریہ کے مطابق کمانڈر سنٹرل پنجاب کی تبدیلی کی تقریب لاھور میں منعقد ہوئی،ریئر ایڈمرل زبیر شفیق نے ریئر ایڈمرل زاھد الیاس سے کمانڈر سنٹرل پنجاب کا چارج لیا۔ ترجمان پاک بحریہ کے مطابق ریئر ایڈمرل زبیر شفیق نے یادگار شہداء پر پھولوں کی چادر چڑھائی اور فاتحہ خوانی کی۔ ترجمان پاک بحریہ نے بتایا کہ قبل ازیں وہ ڈپٹی چیف آف نیول اسٹاف (پرسنل) کے فرائض سر انجام دے رہے تھے۔ ترجمان پاک بحریہ کے مطابق کمانڈ تبدیلی کی تقریب میں پاک بحریہ کے سینئر افسران اور جوانوں نے شرکت کی۔