لاہور (سپورٹس رپورٹر+نمائندہ سپورٹس) ای بی ایم پاکستان اوپن ٹینس چیمپئن شپ 2019ء کے پہلے روز مختلف ایج گروپس میں دلچسپ میچز ہوئے۔ سیکرٹری پنجاب لان ٹینس ایسوسی ایشن رشید ملک اور دیگر بھی موجود تھے۔مینز سنگل میں عقیل خان نے سکندر حیات کو ، ہیرا عاشق نے یاسر خان کو ، مدثر مرتضیٰ نے حسن ریاض کو ، احمد چودھری نے احمد کامل کو ، حذیفہ عبدالرحمان نے اعجاز احمد خان کو ، مزمل مرتضیٰ نے احمد بابر کو ہرا دیا۔ لیڈیز سنگلز میں سارہ منصور نے ماہا سید کو ، مہک کھوکھر نے حزینہ علیم کو ، نور ملک نے اونشا بابر کو ، ایشا جواد نے راحمہ کو ، اوشنا سہیل نے ملیحہ خالد کو ، زارا سلمان نے مریم مرزا کوہرا دیا۔ انڈر 14 میں حامد اسرار نے ماویہ بٹ کو ، سعید سلیمان نے حمزہ جواد کو ، بلال عاصم نے اسد زمان کو ، شاہزیب زاہد نے علی زین کو ، حیدر علی رضوان نے کاشان عمر کو ، حزیمہ عبدالرحمان نے علی جواد کو ہرا دیا۔ مینز 45 پلس ڈبلز میں رشید ملک اور فیاض خان نے طاہر عالم اور منظور قریشی کو ، عاشر علی خان اسرار گل نے بریگیڈیئر منظور اور گل حمید کو ، حسن سید اور رانا ندیم نے ڈاکٹر شہزاد اور چودھری عامر کو ہرا دیا۔