لاہور(سپورٹس رپورٹر+نمائندہ سپورٹس) پہلا پنجاب کواپریٹیو ہاوسنگ سوسائٹی سنوکر ٹرافی ٹورنامنٹ کے مقابلے جاری۔ رینکنگ کھلاڑی اویس مٹھو جٹ نے 94 بریک ریکاڈ بنایا دیا۔ ٹاپ 16 کھلاڑیوں جن میں اویس مٹھو جٹ، مبشر رضا، شیرون، حارث طاہر، علی اکبر، عادل بچہ، شکیل، اکبر مغل، عثمان چیمہ، احمد چوھان، ملک نوید، علی چیمپئن، وقاص رجب، شہزاد قریشی اور میاں شیراز کے مابین زبردست سنوکر میچ ہوئے۔ مبشر رضا نے بیسٹ آف تھری کے پہلے راونڈ میں نہ صرف 64 پوانٹ کی بریک لگائی بلکہ اپنے مد مقابل کھلاڑی کو مکمل بے بس کرتے ھوئے سٹریٹ دو فریم جیت لیے۔ اویس مٹھو جٹ نے دونوں راونڈ میں اپنے مد مخالف کھلاڑیوں کو شکست دی اور اب تک سب سے زیادہ 94 پوانٹ کی بریک لگائی۔ حارث طاہر نے احمدچوہان کو جبکہ اور علی اکبر نے عثمان چیمپین کو شکست دیکر ٹاپ فور میں جگہ بنائی۔ چیف ارگنائزر بابر اسماعیل بٹ نے بتایا کہ پہلا موقع ہے کہ سوسائٹی لیول کے سنوکر میچز میں کلب لوکل لیول کے کھلاڑیوں کو پروفیشنل پلیئرز کے ساتھ کھیلنے کا موقع فراہم کیا گیا جس میں ڈسٹرکٹ لیول پنجاب لیول بلکہ مبشر رضا جیسے انٹرنیشنل کھلاڑیوں سے مقابلہ کرنے کے مواقع فراہم کیے جا رہے ہیں۔ ابتدائی راونڈ میں فاتح 24 کھلاڑیوں میں سے بارہ کھلاڑی چنے جائیں گے۔