کوئٹہ: ٹرین میں سیبوں کیساتھ چھپائی 10 کلو سے زائد چرس برآمد ملزم گرفتار
کوئٹہ (نیٹ نیوز) پاکستان ریلوے پولیس نے بڑی کارروائی کرتے ہوئے ٹرین بولان میل سے 10 کلو 500 گرام چرس برآمد کر لی۔ تفصیلات کے مطابق ملزم احمد اللہ ولد عبدالحلیم ٹرین بولان میل پر کوئٹہ تا کوٹری سفر کر رہا تھا جس نے سیب کے کار ٹن میں چرس کے نو پیکٹ چھپا رکھے تھے ۔ ملزم کیخلاف تھانہ ریلوے پولیس کوئٹہ میں مقدمہ کا اندراج کرکے باقاعدہ گرفتار کر لیا گیا ہے۔ ڈی آئی جی آپریشن پاکستان ریلوے اظہر رشید خان نے موثر کارروائی کرتے ہوئے ریلوے پولیس سپیشل برانچ کوئٹہ کی ٹیم کو سراہا ہے۔
