نئی دہلی (بی بی سی )بھارت میںسوشل میڈیا پر ’گو بیک مودی‘ پہلے نمبر پر ٹرینڈ کر رہا ہے۔ کیا یہ منظم ٹرولنگ کا نتیجہ ہے یا پھر وزیر اعظم نریندر مودی کی مقبولیت میں واضح کمی کی طرف اشارہ ہے؟۔ ٹوئٹر صارف اس ہیش ٹیگ پر حیرت کا اظہار بھی کر رہے ہیں لیکن یہ پہلی بار نہیں کہ بھارت میں ’گو بیک مودی‘ ٹرینڈ کر رہا ہو۔ بعض صارف حیرت کے اظہار کے ساتھ پوچھ رہے ہیں کہ کہیں نریندر مودی بھارت کی جنوبی ریاست تامل ناڈو تو نہیں جا رہے، کیونکہ ماضی میں وہ جب بھی تامل ناڈو گئے ہیں ٹوئٹر پر یہ ٹرینڈ نظر آیا ہے۔