دسمبر’’رینجرز شکریہ جناح‘‘ سے منسوب
کراچی (نیٹ نیوز) پاکستان رینجرز سندھ کی جانب سے یومِ ولادتِ قائد اعظم کی مناسبت سے دسمبر کے مہینے کو ’رینجرز شکریہ جناح‘ کے نام سے منسوب کیا گیا ہے۔ جس کا مقصد "قائد کے نصب العین" اور ان کی وطن کے لئے انتھک جدوجہد سے متعلق عوام میں شعور بیدار کرنا ہے۔ اس سلسلے میں پاکستان رینجرز سندھ کی طرف سے صوبے بھر میں قائداعظم کی تصاویر پر مشمتل بینرز آویزاں کرنا، مختلف کھیلوں کے مقابلے، سکولوں اور کالجز کے طلباء کے مابین قائد اعظم محمد علی جناح کی جدو جہد آزادی کی عکاسی کے لیے تقریری، تصویری اور مضمون نویسی کے مقابلوں کا انعقاد کیا جا رہا ہے۔ اس کے ساتھ ساتھ صوبے بھر میں امن واک بھی پروگرامز کاحصہ ہیں۔ اس دوران سکول اور کالجوں کے طالب علم قائد اعظم کی رہائش گاہ اور مزار پر حاضری دے کر قائد کو خراج عقیدت پیش کریں گے۔
