لاہور (نمائندہ سپورٹس ) تیسری ایچی سن کالج جونیئر نیشنل ٹینس چیمپئن شپ پربت کمار اور زوہرا سلمان نے جیت لی۔ ایچی سن کالج کے ٹینس کورٹس پر ہونیوالی چیمپئن شپ کے صرف فائنلز مقابلے سموگ کی وجہ سے گزشتہ روز مکمل ہوئے۔ تقریب کے مہمان خصوصی فراز خالد شیخ تھے، اس موقع پر پرنسپل ایچی سن کالج تھامسن اورسیکرٹری پنجاب لان ٹینس ایسوسی ایشن رشید ملک اور ٹینس سپورٹس ایچی سن کالج سجاد رسول، فیملیز اور بچوں کی بڑی تعداد موجود تھی۔ بوائز اانڈر 18 میں پربت کمار نے فیضان فیاض کو 6-, 6-4 سے ہرا کر ٹائٹل جیت لیا۔ گرلز انڈر 18 کا ٹائٹل زوہرا سلمان کے نام رہا جنہوں نے فائنل میں استفالیہ عارف کو 6-2, 6-2 سے ہرایا۔بوائز انڈر 16 کے فائنل میں نعلین عباس نے حشیش کمار کو 6-2, 6-3 سے ہرا کر فائنل جیت لیا۔ بوائز انڈر 14 کے فائنل میں مہاتیر محمد نے شاہیل دراب کو 4-2, 4-1 سے ہرا کر ٹائٹل جیت لیا۔بوائز انڈر 12 کے فائنل میں حسنین علی رضوان نے حیدر علی رضوان کو 4-0, 4-2 سے ہرا کر ٹائٹل جیت لیا۔ بوائز/گرلز انڈر 10 میں حمزہ علی رضوان نے امیر مزاری کو 4-0, 4-0 سے ہرا کر فائنل جیت لیا۔ گرلز انڈر 10 میں حانیہ منہاس نے علینا سلمان کو 4-0, 4-2 سے ہرا کر فائنل جیت لیا۔ بوائز انڈر 18 ڈبلز میں اسامہ اور احسان نے زین اور افہام رانا کو 4-2, 2-4, 11-9 سے ہرا کر فائنل جیت لیا۔گرلز انڈر 14 میں لبیکا دراب نے استفالیہ عارف کو 4-1, 4-0 سے ہرا کر ٹائٹل جیت لیا۔