کراچی (سٹاف رپورٹر)پاکستان پیپلز پارٹی کے 52 ویں یوم تاسیس کے سلسلے میں صوبائی وزیر برائے انسانی بستیوں و صدر پی پی پی ضلع ملیر غلام مرتضٰی بلوچ کی قیادت میں قافلہ مظفر آباد پہنچ گیا،صوبائی وزیر غلام مرتضٰی بلوچ قافلے کے ہمراہ یوم تاسیس مظفرآباد جلسہ گاہ سندھ کیمپ پہنچے ،صوبائی وزیر کے ہمراہ چیئرمین بلدیہ ملیر جان محمد بلوچ، چیئرمین زکوٰۃ کمیٹی ملیر سردار امام بخش ہوت، مرتضٰی یار محمد، جنرل سیکریٹری پی ایس 130 ممبر ضلع کونسل منظور حسین بھی موجود ہیں اس موقع پرصوبائی وزیرنے کہاکہ پاکستان پیپلز پارٹی کے 52 یوم تاسیس پر پوری قوم کو مبارکبادپیش کرتاہوں انہوں نے کہاکہ پاکستان پیپلز پارٹی کی ملک میں جمہوریت اور ترقی کے لئے جدوجہد قابل فخر ہے،صوبائی وزیرغلام مرتضٰی بلوچ نے مزیدکہاکہ شہید ذوالفقار علی بھٹو اور شہید بینظیر بھٹو نے ملک میںجمہوریت اور عوام کے حقوق کے لئے آواز بلند کی اب اس مشن کو چیئرمین بلاول بھٹو زرداری آگے لے کر چل رہے ہیں۔