لاہور(سپورٹس رپورٹر+نمائندہ سپورٹس) قائداعظم ٹرافی فرسٹ الیون ٹورنامنٹ کے آخری راؤنڈ میں عبداللہ شفیق‘احمد شہزاد ‘ عمران فرحت اور اکبرالرحمٰن کی سنچریاں۔ کراچی میں ناردرن نے خیبر پی کے کیخلاف 5وکٹوں پر 341 رنزبنالیے ہیں۔اوپنر ذیشان ملک 61‘علی سرفراز 50 ‘فیضان ریاض 63 ‘ حماد اعظم 76 رنز بناکر آؤٹ ہوگئے۔ سرمد بھٹی 70 رنز پر موجود ہیں۔ عبداللہ شفیق اور کپتان احمد شہزاد کی سنچریوں کی بدولت سنٹرل پنجاب نے سدرن پنجاب کیخلاف 4وکٹوں پر 339 رنزبنالیے ہیں۔عبداللہ شفیق نے 133 ‘احمد شہزاد نے 100 رنز بنائے۔ عمر اکمل صفرپرآؤٹ ہوئے۔ عثمان صلاح الدین 53 اور کامر ان اکمل 30 پر کھیل رہے ہیں۔ کپتان عمران فرحت اور اکبرالرحمٰن کی ناقابل شکست سنچریوں کی بدولت بلوچستان نے سندھ کیخلاف 2وکٹوںپر 271 رنزبنالیے ہیں۔ عمران فرحت 137 اور اکبرالرحمٰن 121 رنز بناکر موجود ہیں۔