ملتان (این این آئی)ملتان میں شک کی بنیاد پر شوہر نے اپنی بیوی، بیٹی اور ایک شخص کو قتل کر دیا، جس کے بعد ملزم فرار ہو گیا۔تفصیلات کے مطابق واقعہ ملتان کے نواحی علاقے اڈہ مہے والا میں پیش آیا، جہاں یاسین نامی ملزم نے اپنی 22 سالہ بیوی شمشاد کے کردار پر شک کرتے ہوئے بیوی، 10 ماہ کی بیٹی کرن اور ایک 40 سالہ شخص مرتضیٰ کو قتل کر دیا۔ملزم واردات کو انجام دینے کے بعد اپنے 2 سالہ بیٹے کاشف کو لے کر باآسانی فرار ہو گیا۔