لاہور(سپورٹس رپورٹر+نمائندہ سپورٹس)پی سی بی انڈر 16 تین روزہ کرکٹ ٹورنامنٹ کے تیسرے راؤنڈ کا دوسرا روز مکمل۔ ناردرن نے بلوچستان کو ایک اننگز اور 44 رنز سے شکست دے دی۔ ناردرن کے 262 رنز کے جواب میں بلوچستان کی ٹیم پہلی اننگز میں 129 اور دوسری اننگز میں 89 رنز پر ڈھیر ہوگئی۔ ناردرن کے سپنر محمد حسنین نے میچ میں 9 کھلاڑیوں کو پویلین کی راہ دکھائی۔ فیصل آباد میں جاری میچ میں 105 رنز کے تعاقب میں خیبرپی کے نے دوسری اننگز میں 1 وکٹ پر 18 رنز بنالئے ہیں۔ اس سے قبل 16رنز کے خسارے کا شکار سندھ کی ٹیم دوسری اننگز میں 120 رنز بناکر آؤٹ ہوگئی تھی۔ پہلی اننگز میں سندھ کے 163رنز کے جواب میں خیبرپی کے کی پوری ٹیم 179 رنز بناکر آؤٹ ہوگئی۔