نیشنل جونیئر ہاکی چیمپئن شپ کوارٹر فائنلز آج کھیلے جائیں گے
لاہور(سپورٹس رپورٹر+نمائندہ سپورٹس) پاکستان ہاکی فیڈریشن کے زیر اہتمام جاری 36 ویں نیشنل جونیئر ہاکی چیمپئن شپ کے کوارٹر فائنل میچز آج بروز جمعرات کو آج کھیلے جائیں گے۔ چاروں میچ نیشنل ہاکی سٹیڈیم کی پچ نمبر دو پر کھیلے جائیں گے۔ شیڈول کے مطابق پہلے کوارٹر فائنل میں سوئی سدرن گیس اور پورٹ قاسم کی ٹیمیں مد مقابل ہوں گی۔ دوسرا کوارٹر فائنل واپڈا اور خیبرپی کے اے کے درمیان ہوگا۔ تیسرے کوارٹر فائنل میں آرمی اے اور پنجاب اے جبکہ چوتھے کوارٹر فائنل میں ماڑی پٹرولیم اور کسٹمز کی ٹیموں میں مقابلہ ہوگا۔
