لاہور(سپورٹس رپورٹر+نمائندہ سپورٹس) سنٹرل پنجاب اور ناردرن کی ٹیمیں قائداعظم ٹرافی کے فائنل میں پہنچ گئیں۔ ناردرن نے خیبرپی کے کو 39 رنز سے شکست دی۔ سدرن پنجاب کیخلاف میچ ڈرا کرنے کے باوجود سنٹرل پنجاب کی فائنل میں رسائی جبکہ سندھ اور بلوچستان کے درمیان میچ بھی ڈرا ہوگیا۔ ناردرن نے خیبرپی کے کو 39 رنز سے شکست دیکر فائنل میں رسائی حاصل کرلی۔ 245 رنز کے ہدف کے تعاقب میں خیبرپی کے کی ٹیم دوسری اننگز میں 205 رنز پر ڈھیر ہوگئی۔ سنٹرل پنجاب اور سدرن پنجاب کے درمیان میچ ڈرا ہوگیا ۔ پوائنٹس ٹیبل پر بہتر پوزیشن کے باعث سنٹرل پنجاب کی ٹیم نے فائنل کیلئے کوالیفائی کرلیا ۔ میچ کے آخری روز سنٹرل پنجاب کے سلمان بٹ نے 158 اور احمد شہزاد نے 100 رنز کی اننگز کھیلی ۔ بلوچستان اور سندھ کے درمیان میچ بھی بے نتیجہ ختم ہوگیا۔ 44 رنز کے خسارے سے دوسری اننگز کا آغاز کرنیوالی بلوچستان کی ٹیم نے 1وکٹ کے نقصان پر 181 رنز بنائے تھے کہ میچ کیلئے مقررہ وقت ختم ہوگیا۔ عمران بٹ نے 101 رنز کی ناقابل شکست اننگز کھیلی۔ اس سے قبل 471ر نز کے جواب میں سندھ کی پوری ٹیم پہلی اننگز میں 515 رنزبناکر آؤٹ ہوئی۔ فواد عالم 116رنزبناکر آؤٹ ہوئے۔ تاج ولی اور جلات خان نے 3،3 وکٹیں حاصل کیں۔