جج ارشد ملک ویڈیو سکینڈل، سپریم کورٹ 10 دسمبر کو نوازشریف کی نظرثانی اپیل پر سماعت کرے گی
اسلام آباد (نوائے وقت رپورٹ) سپریم کورٹ میں جج ارشد ملک ویڈیو سکینڈل کے معاملے پر نواز شریف کی نظر ثانی درخواست سماعت کیلئے مقرر کر لی گئی ہے۔ چیف جسٹس آصف سعید کھوسہ کی سربراہی میں 3 رکنی بنچ 10 دسمبر کو درخواست پر سماعت کریگا۔ نوازشریف نے عدالتی فیصلے پر نظر ثانی کیلئے سپریم کورٹ سے رجوع کرتے ہوئے فیصلے سے عدالتی آبزوویشن حذف کرنیکی استدعا کر رکھی ہے۔
