لاہور ( سپورٹس رپورٹر+نمائندہ سپورٹس) پی ایس ایل کے پانچویں ایڈیشن کے دوران پاکستان میں کرکٹ کے عالمی ستارے پاکستان میں جگمگائیں گے۔ ڈیل سٹین، جیسن رائے، ایلکس ہیلز سمیت عالمی کرکٹرز ملکی سونے میدان آباد کریںگے۔ شرجیل خان ہوم گراؤنڈ پر کھیلتے ہوئے نظر آئیں گے۔ آل راؤنڈر شعیب ملک ملتان کی بجائے پشاور کے ہوگئے۔قذافی سٹیڈیم لاہور میں ڈرافٹنگ کا عمل مکمل ہو گیا ہے، چھ فرنچائز نے کھلاڑیوں کو ٹیم میں شامل کیا۔ پلاٹینم کیٹیگری میں پہلی پک کوئٹہ گلیڈی ایٹرز کی تھی جنہوں نے انگلینڈ کو ورلڈکپ جتوانے والے جیسن رائے کا انتخاب کیا۔ لاہور قلندرز نے آسٹریلیا کے کرس لین کی خدمات حاصل کیں۔پلاٹینم کیٹیگری میں ملتان سلطان نے انگلش آل راؤنڈر معین علی جبکہ اسلام آباد یونائیٹڈ نے جنوبی افریقہ کے ڈیل سٹین کو چنا۔ کراچی کنگز نے انگلش بلے باز ایلکس ہیلز کا پلاٹینم کیٹیگری میں انتخاب کیا۔کوئٹہ گلیڈی ایٹرز کی ٹیم میں سرفراز احمد، محمد نواز، شین واٹسن، احمد شہزاد، عمر اکمل، محمد حسنین، نسیم شاہ، حسن علی کو ریٹین رکھا گیا تھا جبکہ پلاٹینم میں جیسن رائے، ڈائمنڈ میں آسٹریلوی بین کیٹنگ، گولڈ فواد احمد، سلور میں سہیل خان، ٹائمل ملز، عبد الناصر، ایمرجنگ میں اریش خان، اعظم خان، سپیلمنٹری میں خرم منظور، کیمو پاؤل کو رکھا گیا ہے۔لاہور قلندر کی ٹیم میں فخر زمان، محمد حفیظ، ڈیوڈ وائز، شاہین شاہ آفریدی، عثمان شنواری، سہیل اختر، حارث رؤف، سلمان بٹ کو ریٹین رکھا گیا تھا، پلاٹینیم میں کرس لین ، گولڈ میں سمت پٹیل، سلور میں پرسانا، بین ڈانک، فرزان راجہ، جاہد علی، ایمرجنگ میں محمد فیضان، سپلیمٹنری میں لینڈل سیمنز، دلبر حسین کو رکھا گیا ہے۔ملتان سلطانز کی ٹیم میں محمد عرفان، شاہد آفریدی، جیمز وینس، جنید خان، شان مقصود، علی شفیق، محمد الیاس کو ریٹین رکھا گیا تھا جبکہ پلاٹینیم کھلاڑیوں میں معین علی اور ریلی روسو کو منتخب کیا گیا ہے، ڈائمنڈ میں ذیشان اشرف اورروی بوپارا شامل ہیں، گولڈ میں سہیل تنویر، سلور میںخوشدل شاہ، عثمان قادر، فریبن ایلن ، ایمرجنگ میں روحیل نذیر جبکہ سپلیمنٹری میں عمران طاہر اور بلاول بھٹی شامل ہیں۔اسلام آباد یونائیٹڈ ٹیم میں شاداب خان، فہیم اشرف، آصف علی، لیوک رونچی، حسین طلعت، عماد بٹ، رضوان حسین، موسیٰ خان کو برقرار رکھا گیا تھا، پلاٹینم میں ڈیل سٹین اور کولن انگرام ، ڈائمنڈ میں کولن منرو ، گولڈ میں رومان رئیس ، سلور میں فل سالٹ اور سپنر ظفر گو، ایمرجنگ میں عاکف جاوید، احمد عبد اللہ، سپلیمنٹری میں سیف بدر اور وین ڈر ڈوسن کو منتخب کیا گیا ہے۔پشاور زلمی کے کھلاڑیوں میں وہاب ریاض، حسن علی، کیرن پولارڈ، کامر ان اکمل، ڈیرن سیمی، امام الحق اور عمر امین کو برقرار رکھا گیا تھا جبکہ ڈائمنڈ میں ٹام بینٹن، شعیب ملک، گولڈ میں لیام ڈاسن ‘سلور میں محمد محسن، راحت علی، ڈیون پیٹریس اور عادل امین ، ایمرجنگ میں عامر خان، عامر علی ‘ سپلیمنٹری میں حیدر علی خان، لیام لونگ سٹون جگہ بنانے میں کامیاب ہوئے۔کراچی کنگز کے کھلاڑیوں کو بابر اعظم، محمد عامر، عماد وسیم، افتخار احمد، عامر یامین، اسامہ میر اور عمر خان کو برقرار رکھا گیا تھا، پلاٹینم میں انگلینڈ کے ایلکس ہیلز ، ڈائمنڈ میں کرس جورڈن، گولڈ میں شرجیل خان، کیمرون ڈیلپورٹ، سلور میں محمد رضوان، عمید آصف، ڈان لارنس، علی خان‘ ایمرجنگ میں ارشد اقبال جبکہ سپلیمنٹری میں لیام پلنکٹ اور اویس ضیاء شامل ہیں۔ چیئرمین پاکستان کرکٹ بورڈ احسان مانی نے تقریب سے خطاب میں کہا کہ اس ایڈیشن میں کراچی، لاہور، ملتان اور روالپنڈی میں ایونٹ کے میچز ہوں گے۔کوئٹہ گلیڈی ایٹرز کے کپتان پی ایس ایل 4 کے چیمپئن سرفراز احمد نے کہا کہ اچھی ٹیم بنائیں گے اور اپنے اعزاز کا دفاع کریں گے۔ کئی اچھے کھلاڑی دستیاب ہیں، مضبوط ٹیم بنے گی۔چیئرمین لاہور قلندر فواد رانا نے کہا کہ نیا ٹیلنٹ سامنے لارہے ہیں، نوجوانوں کو اپنی صلاحیتیں دکھانے کا موقع ملے گا۔لاہور قلندر کے کوچ عاقب جاوید نے کہا کہ جیت کے جتنے سب کے چانسز ہیں اتنے ہی لاہور قلندرز کے بھی ہیں۔انہوں نے امید ظاہر کی کہ 4 سال سے جو نتائج نہیں آئے وہ اب آئیں گے۔چیئرمین پشاور زلمی جاوید آفریدی نے کہا کہ ان کی ٹیم کے کپتان کے حوالے سے سرپرائز رہنے دیں۔