لاہور چیلنج کپ کا افتتاحی میچ آج کھیلا جائے گا
لاہور(سپورٹس رپورٹر) لاہور چیلنج کپ کا افتتاحی میچ آج ایل سی سی اے گرائونڈ پر راجہ کلب اور گولڈن سٹار کلب کی ٹیموں کے درمیان کھیلا جائے گا۔چیئرمین ٹورنامنٹ کمیٹی ملک سجاد اکبر کے مطابق پاکستان تحریک انصاف کی ایم پی اے نیلم حیات ،چیئرمین اوٹی سی ملک حیات،پاکستان کرکٹ بورڈ کے سابق چیئرمین خالد محمود،ڈائریکٹر اکیڈمیز مدثر نذر،سابق ٹیسٹ فاسٹ باولر اور لاہور قلندرز کے ڈائریکٹر آپریشنز عاقب جاوید ،سابق ٹیسٹ کرکٹر شاہد نذیر،پی سی بی گورننگ بورڈ کے رکن شاہ ریز عبد اللہ خان روکھڑی ،لاہور قلندرز کے سی ای او عاطف رانا ،قومی کرکٹ ٹیم کے سابق منیجر اظہر زیدی ،اور کرکٹ آرگنائز رز کے ساتھ ساتھ سیاسی و سماجی شخصیات افتتاحی تقریب میں شرکت کریں گی ۔
