تھرپارکر: کتوں نے پرائمری سکول کے11 بچوں کو کاٹ لیا
چھاچھڑو (این این آئی)تھرپارکر کی تحصیل چھاچھرو کے گائوں میں آوارہ کتوں نے پرائمری اسکول کے گیارہ بچوں کوکاٹ لیا جبکہ تحصیل ہسپتال میں پاگل کتے کے کاٹنے کی ویکسن موجود نہیں ہے۔تفصیلات کے مطابق واقعہ گائوں وائوڑی میں پیش آیاجہاں آوارہ کتوں نے سکول جانے والے بچوں پرحملہ کرکیانہیں کاٹ لیا۔ڈاکٹروں کے مطابق دو بچوں کے سر کو بھنبھوڑ دیا ہے جنہیں ابتدائی طبی امداد کے بعد حیدرآباد منتقل کر دیا گیا ۔ڈاکٹروں کے مطابق ہسپتال میں پاگل کتے کے کاٹے کی ویکسین نہیں ہے عام کتے کے کاٹے کی انجکشن لگادی گئی ہے اور متاثرین کی مرہم پٹی کردی گئی ہے۔
