اسلام آباد(سٹاف رپورٹر) گزشتہ روز جی ایچ کیو میں آرمی چیف جنرل قمرجاوید باجوہ کی زیر صدارت کورکمانڈرز کانفرنس منعقد ہوئی جس میں اہم قومی اور علاقائی امور پر غور کیا گیا۔ ڈی جی آئی ایس پی آر میجر جنرل آصف غفور آج سہ پہر تین بجے اہم پریس کانفرنس کے دوران کور کمانڈرز کانفرنس میں زیر غور آنے والے موضوعات کے حوالہ سے اظہار خیال کریں گے۔ پریس کانفرنس میں ملکی سلامتی، مقبوضہ کشمیر کی صورتحال اور دیگر معاملات پر بریفنگ کا امکان ہے۔ ذرائع کے مطابق یہ اجلاس صبح ساڑھے نو بجے سے شام ساڑھے چار بجے تک لگ بھگ سات گھنٹے جاری رہا۔