لاہور(سپورٹس ڈیسک )انگلش ٹیسٹ ٹیم کے کپتان جوروٹ کو جنوبی افریقہ کیخلاف 3ٹی 20میچز کی سیریز کے سکواڈ سے ڈراپ کردیا گیا۔ آئندہ سال آسٹریلیا میں ہونے والے ٹی 20 ورلڈ کپ کیلئے انگلش سلیکٹرزکچھ نئے کھلاڑیوں کوآزمانا چاہتے ہیں۔ پیٹ براؤن، میتھیوپارکنسن، ثاقب محمود اورٹام بینٹن کودوبارہ ون ڈے سکواڈ میں شامل کیا گیا ہے۔جیمزونس، لیام ڈاؤسن اورلیام پلنکٹ ون ڈے سکواڈ میں جگہ نہ بناسکے، آل راؤنڈرمعین علی کا نام دونوں سکواڈزمیں شامل ہے۔جوفرا آرچر، جوزبٹلر، بین سٹوکس اورمارک ووڈ کوون ڈے میچزمیں آرام دیا گیا ہے تاہم چاروں کا نام ٹی 20سکواڈ میں شامل ہے۔
انگلش ٹیم 26دسمبرسے 16فروری تک جنوبی افریقہ میں 4ٹیسٹ،3ون ڈے اور3ٹی ٹونٹی میچزکی سیریزکھیلے گی۔