لاہور(سپورٹس رپورٹر)پاک سر زمین پر کیریئر کے پہلے ٹیسٹ میں سنچری بنانے والے قومی بلے باز بابر اعظم نے کہا ہے کہ چائے کے وقفے کے بعد پلان تبدیل کرتے ہوئے سنچری بنانے میں کامیاب ہوگیا۔سری لنکا کے خلاف راولپنڈی ٹیسٹ کے اختتام پر اپنے انٹرویو میں بابر اعظم نے کہا کہ کوشش یہی تھی کہ لمبا کھیلوں، چائے کے وقفے کے بعد منصوبہ بدلااورتیزکھیلا جس کی وجہ سے سنچری بنانے میں کامیاب ہوا۔انہوں نے بتایا کہ عابد علی نروس نائنٹیز کا شکار تھے مگر انہیں حوصلہ دیا اور وہ دباؤ سے باہر آئے، اوپنر نے زبردست باری کھیلی۔بابر اعظم کا کہنا تھا کہ ہوم کراؤڈ کے سامنے کھیل کر اچھا لگا، شائقین نے زبردست جوش و خروش کا مظاہرہ کیا، امید ہے اگلے میچ میں بھی شائقین اسی سپرٹ کو برقرار رکھیں گے۔