اسلام آباد (وقائع نگار خصوصی) شہباز شریف نے پارٹی رہنمائوں اور کارکنوں کو انسداد پولیو مہم میں پولیو ورکرز اور والدین کی بھرپور معاونت کرنے کی ہدایت کی ہے۔ ایک بیان میں شہباز شریف نے کہا کہ قوم کے بچوں کی صحت اور تحفظ سیاسی مفادات سے مقدم ہے، اس میں رضاکارانہ شرکت قومی فریضہ ہے۔ انہوں نے کہا کہ پارٹی رہنما اور کارکنان عوام میں پولیو جیسے موذی مرض کے بارے میں آگاہی مہم میں بھی حصہ لیں۔