پنجاب یونیورسٹی کے زیر اہتمام دوروزہ سکس اے سائیڈ ہاکی میلہ کل سے شروع
لاہور(سپورٹس رپورٹر) پنجاب یونیورسٹی سپورٹس سائینسز اینڈ فزیکل ایجوکیشن ڈیپارٹمنٹ کے زیر اہتمام دو روزہ سکس اے سائیڈ ہاکی میلہ کل سے شروع ہوگا۔ ٹورنامنٹ میں 24 ٹیمیں حصہ لے رہی ہیں جن میں 18 بوائز اور 6 گرلز شامل ہیں۔ سکس اے سائیڈ ہاکی ٹورنامنٹ کی افتتاحی تقریب کے مہمان خصوصی پاکستان ہاکی ٹیم کے ہیڈ کوچ اولمپیئن خواجہ جنید اور چیف سلیکٹر اولمپیئن منظور جونیئر ہونگے۔ ٹورنامنٹ کی اختتامی تقریب 20 دسمبر کو منعقد ہوگی۔
