لاہور ( سپورٹس رپورٹر) بے نظیر بھٹو شہید ٹینس چیمپئن شپ میں عقیل خان، سمیع، شاید آفریدی، اسرار گل، اسد اللہ، ہیرا عاشق، محمد شعیب، مزمل مرتضی، امن عتیق، مدثر مرتضی، حذیفہ نے اپنے اپنے میچز جیت کر اگلے راونڈ کے لئے کوالیفائی کرلیا۔ اسلام آباد ٹینس کمپلیکس میں کھیلے گئے چیمپئن شپ کے دوسرے روز عقیل خان نے فیضان فیاض کو ، سمیع نے شاکر اللہ کو ، شاید آفریدی نے محمد منہاس کو ،اسرار گل نے دانش رمضان کو ، اسد اللہ نے اعجاز خان کو ، ہیرا عاشق نے ایاز خان کو ، محمد شعیب نے فریاد علی راجہ کو ، مزمل مرتضی نے ثاقب حیات کو، امن عتیق نے شاہین محمود کو ، مدثر مرتضی نے جبران الحق، حذیفہ نے احمد بابر کو ہرا کر اپنے اپنے میچز جیت کر اگلے راونڈ کے لئے کوالیفائی کرلیا ہے۔ چیمپئن شپ میں نو کیٹگریز کے مقابلے رکھے گئے ہیں جن میں مینز سنگلز اور ڈبلز، لیڈیز سنگلز، بوائز انڈر18، بوائز انڈر14، بوائز انڈر12، بوائز انڈر10، 45 پلس اور میڈیا کیٹگریز کے مقابلے شامل ہیں، 16 دسمبر کو مین کوالیفائنگ راؤنڈ، 20 دسمبر کو کوارٹر فائنل، 21 دسمبر کو سیمی فائنل اور 22 دسمبر کو فائنل مقابلے کھیلے جائیں گے۔