لاہور(نامہ نگار) لاہور کے مختلف علاقوں میںڈاکوئوںاور چوروںنے وارداتوں کے دوران متعدد شہریوں سے لاکھوں روپے مالیت کی نقدی، طلائی زیورات، موبائل فون، گاڑیاں ، موٹر سائیکلیں اور دیگر سامان لوٹ لیا ہے۔ تفصیلات کے مطابق ڈاکوؤں نے اسلا م پو رہ کے علا قہ میں سرفرازکے گھر گھس کر اہلخانہ کو گن پوائنٹ پر یرغمال بنا کر5لاکھ 70ہزار روپے مالیت، لیا قت آ با د کے علا قہ میں جمیل کے گھرسے 4لاکھ 60ہزار روپے مالیت، نیو انا ر کلی کے علا قہ میں جا ویدکے گھر سے3لا کھ45ہزار روپے مالیت، ساندہ کے علاقہ میں عرفان کی فیملی سے 3لا کھ 30ہزار روپے مالیت، کاہنہ کے علاقہ میں بشیرکے گھر سے2 لاکھ 90ہزار روپے مالیت، ڈیفنس کے علاقہ میں اشرف کی فیملی سے2 لا کھ14ہزار روپے مالیت، باٹا پو ر کے علا قہ میں اسدکی فیملی سے ایک لا کھ60 ہزار روپے مالیت کی نقدی، طلائی زیورات، موبائل فون اور دیگر سامان لوٹ لیا ہے ۔ڈاکوؤں نے شہر کے مختلف علاقوں میں راہزنی کی 6وارداتوں میں شہریوں سے ہزاروں روپے نقدی اور موبائل فون لوٹ لئے ہیں۔ چوروں نے گارڈن ٹاؤن اورشادمان کے علاقوں سے دو کاریں جبکہ بھا ٹی گیٹ، مصری شاہ، نولکھا، ماڈل ٹائون، غالب مارکیٹ اور شیرا کوٹ کے علاقوں سے چھ موٹر سائیکلیں چوری کرلی ہیں۔