فیروزوالہ ( نامہ نگار)پاکستان پیپلز پارٹی تحصیل فیروزوالہ کے رہنما رانا مقبول احمد جاوید نے کہا ہے کہ پاکستان پیپلز پارٹی کے قیادت وطن پر جانثاری اور جمہوری اقدار کے تحفظ کی جدوجہد کا اعزاز رکھتی ہے قائدین نے عوامی خدمت کی جو تاریخ رقم کی وہ ہمارے لئے مشعل راہ ہے جس سامنے رکھ کر جمہوری جدوجہد کررہے ہیں قائد عوام شہید ذوالفقار علی بھٹواور محترمہ بے نظیر بھٹو شہید کے نظریات کی روشنی میں ملک کو حقیقی معنوں میں جمہوریت کا گہوارہ بنا کر دم لیں گے،انہوںنے کہا ہے کہ محترمہ بے نظیر بھٹوشہید کی برسی کے سلسلہ میں راولپنڈی میں منعقدہ مرکزی تقریب میں شرکت کیلئے ایک بڑے قافلے کی شکل میںروانہ ہوں گے جس کی تیاریاں مکمل کرلی گئی ہیں 27 دسمبر کو قافلے کی روانگی کے موقع پر کارکنان پارٹی پرچم اور قائدین کے قد آور پورٹریٹ کے ہمراہ جائیں گے جبکہ مختلف سماجی تنظیموں سے وابستہ افراد بھی اس کارواں کا حصہ ہوں گے، انہوں نے کہا کہ موجودہ حکومت داخلی و خارجی محاذ پر مکمل طور پر ناکام ہوچکی ہے ۔