لاہور(نمائندہ سپورٹس+سپورٹس رپورٹر+ نوائے وقت رپورٹ)انگلش کرکٹ بورڈ نے محمد حفیظ کی باؤلنگ پر پابندی لگادی۔آل راؤنڈر محمد حفیظ کا باؤلنگ ایکشن ایک بار پھر متنازعہ بن گیا ‘ باؤلنگ ایکشن ٹی 20 بلاسٹ ٹورنامنٹ کے دوران رپورٹ کیا گیا۔ای سی بی بائولنگ ریویو گروپ کی رپورٹ کے مطابق محمد حفیظ فی الوقت انگلینڈ میں باؤلنگ نہیں کراسکیں گے ان کے بازو کا خم 15 ڈگری سے زیادہ ہے۔ محمد حفیظ نے فیصلے پر تحفظات کا اظہار کرتے ہوئے کہا ہے کہ رپورٹ موصول ہو گئی ہے، باؤلنگ ایکشن جانچنے کے طریقہ کار میں کچھ خامیاں ہیں۔ ای سی بی باؤلنگ ریویو گروپ کی سفارشات سے میری بین الاقوامی ساکھ کو نقصان پہنچا ہے تاہم میں آئی سی سی کے زیر اہتمام باؤلنگ ایکشن کے آزادانہ تجزیہ کیلئے تیار ہوں۔