لاہور(سپورٹس رپورٹر+نمائندہ سپورٹس)قائد اعظم ٹرافی کی فاتح ٹیم کو ایک کروڑ روپے‘ٹرافی اور رنرزاپ کوپچاس لاکھ روپے کی انعامی رقم دی جائیگی۔ فائنل میں میچ ریفری کے فرائض افتخار احمد نبھائیں گے۔ میچ میں آن فیلڈ امپائرز کی ذمہ داریاں احسن رضا اور آصف یعقوب ادا کریں گے۔ راشد ریاض کو ٹی وی امپائراور طاہر رشیدکو ریزرو امپائرمقرر کیا گیا ہے۔ایونٹ کے بہترین بلے باز،باؤلر، وکٹ کیپر اور ٹورنامنٹ کے بہترین کھلاڑی کو پانچ، پانچ لاکھ روپے کی انعامی رقم د ی جائیگی۔فائنل کے بہترین کھلاڑی کو پچاس ہزار روپے کا انعام دیا جائے گا۔