لاہور ( سپورٹس رپورٹر+نمائندہ سپورٹس) سکلز ٹو شائن پروگرام کے تحت 25 خواتین کھلاڑیوں پر مشتمل 14 روزہ تربیتی کیمپ کل سے نیشنل سٹیڈیم کراچی میں واقع حنیف محمد ہائی پرفارمنس سنٹر میں شروع ہوگا۔ تربیتی کیمپ ویمنز انڈر 19 ورلڈ کپ 2021 کی تیاریوں کے سلسلہ میں لگایا جارہا ہے۔سکلز ٹو شائن انڈر 18 ویمنز ٹی ٹونٹی چیمپئن شپ میں نمایاں کارکردگی کا مظاہرہ کرنے والی خواتین کرکٹرز کو تربیتی کیمپ میں طلب کیا گیا ہے۔ چیمپئن شپ 15 سے 25نومبر تک لاہور میں جاری رہی۔طلب کردہ خواتین کرکٹرز:آئمہ سلیم، عریجہ حسیب،انوشہ ناصر،عائشہ نسیم،بسمہ امجد،فجرنوید،فاطمہ خان، فاطمہ زہرہ شاہ، گل رخ،گل اسوہ، حمنہ بلال، ہانیہ عامر، انشرہ اسد،خوش بخت وسیم، لائبہ فاطمہ ، لاریب ملک، لاویزہ منیر، مومنہ ریاست خان، نجیہ علوی، نازش رفیق، ردا اسلم، صائمہ ملک ، شہوال ذوالفقار، یسرہ عامراور زیب النساء شامل ہیں۔