لاہور (نوائے وقت رپورٹ) شہباز شریف نے بینظیر بھٹو کی 12 ویں برسی پر پیغام میں کہا ہے کہ محترمہ بینظیر بھٹو کی جمہوریت کے لیے قابل قدر خدمات ہیں۔ شہباز شریف نے ٹویٹ میں کہا کہ بے نظیر بھٹو کی جمہوریت کے لیے قابل قدر خدمات ہیں، آج پاکستانی سیاست بے نظیر بھٹو کے بغیر پہلے جیسی نہیں۔ بینظیر بھٹو عظیم لیڈر تھیں۔ اللہ تعالیٰ مرحومہ کو جنت میں اعلیٰ مقام عطا فرمائے۔ حمزہ شہباز نے اپنے تعزیتی بیان میں کہا کہ بینظیر ایک بہادر خاتون تھیں، انہوں نے ایک مقصد کے لیے اپنی جان دی۔