لاہور (سپورٹس رپورٹر) پاکستان سائیکلنگ فیڈریشن کے زیر اہتمام 65 ویں نیشنل ٹریک سائیکلنگ چیمپئن شپ 2019ء کے مقابلے آج بروز ہفتہ سے لاہور میں شروع ہونگے۔ چیمپئن شپ میں پاکستان سائیکلنگ فیڈریشن سے الحاق رکھنے والے تمام یونٹس کو شرکت کی دعوت دی گئی ہے۔ اس بات کا اعلان پاکستان سائیکلنگ فیڈریشن کے صدر سید اظہر شاہ نے نیشنل ہاکی سٹیڈیم لاہور میں پریس کانفرنس کرتے ہوئے کیا۔ ان کا کہنا تھا کہ چیمپئن شپ میں مرد و خواتین کھلاڑیوں کے ساتھ جونیئرز کے بھی مقابلے ہونگے۔ تین روزہ چیمپیئن شپ میں مجموعی طور پر 19 ایونٹس کے مقابلے ہونگے ۔