قصور(نمائندہ نوائے وقت)پولیس کا کرسمس کی آمد سے قبل ضلع بھر میں زہریلی شراب کشید کرنے والوں اور منشیات فروشوں کے خلاف کریک ڈائون،29 ملزمان کو گرفتار کر کے ملزمان کے قبضہ سے600لیٹر دیسی شراب،500لیٹر لاہن اور13کلوگرام چرس برآمد ۔تفصیلات کے مطابق پولیس نے ڈی پی اوقصور زاہد نواز مروت کی خصوصی ہدایات پر ضلع بھر میںکرسمس کی آمد سے قبل شراب کشید کرنے والوں اور منشیات فروشوں کے خلاف کریک ڈائون کا آغاز کررکھا ہے اس سلسلہ میں ڈی پی اوقصور نے تمام ایس ڈی پی اوز اور ایس ایچ اوز کو تحریری مراسلہ بھی جاری کیا ہواہے۔پولیس نے شراب کشید کرنے والوں خلاف کریک ڈائون کرتے ہوئے 13 ملزمان کے قبضہ سے 600لیٹر دیسی شراب،500لیٹر لاہن اور5چالوبھٹیاں برآمد کرکے مقدمات درج کیے، اسی طرح 16منشیات فروشوں کو گرفتار کرلیا۔