ہوسٹن(اے پی پی) امریکی ریاست لوزیانا میں چھوٹا طیارہ گر کر تباہ ہو گیا، حادثے میں پائلٹ سمیت 5 افراد ہلاک اور تین زخمی ہو گئے۔ ذرائع ابلاغ کی رپورٹ کے مطابق لافایٹ فائر چیف رابرٹ بنوئٹ نے تصدیق کی کہ چھوٹا طیارہ ایک وال مارٹ سپر سنٹر کے قریب گر کر تباہ ہوا جس کے نتیجے میں 5 افراد ہلاک اور 3 زخمی ہوئے ہیں، زخمیوں کو طبی امداد کیلئے قریبی ہسپتال منتقل کر دیا گیا ہے۔ انہوں نے کہا کہ طیارے میں 8 افراد سوار تھے۔ انہوں نے بتایا کہ پولیس حادثے کی تحقیقات کر رہی ہے تاہم ابھی تک وجہ معلوم نہیں ہوسکی۔