لاہور(نمائندہ سپورٹس)خیبرپی کے نے قومی انڈر 13 ایک روزہ کرکٹ ٹورنامنٹ جیت لیا ۔فیصل آباد میں سدرن پنجاب نے ٹاس جیت کر پہلے بیٹنگ کا فیصلہ کیا اور مقررہ 30 اوورز میں 9 وکٹوں پر 156 رنز بنائے۔ فہد کاشف نے 48 رنز کی اننگز کھیلی۔ محمد سلمان نے 3 کھلاڑیوں کو آئوٹ کیا۔ خیبر پی کے نے ہدف 28ویں اوور میں حاصل کرلیا۔ اوپنر احمد حسین نے ناقابل شکست72 رنز بنائے۔ ایونٹ میں چھ ایسوسی ایشنزٹیموں کے مابین 16 میچز کھیلے گئے۔ فائنل میں کوالیفائی کرنیوالی دونوں ٹیموں کے سکواڈ زمیں شامل کھلاڑیوں کو کٹ بیگس بطور تحفہ دئیے گئے۔ خیبرپی کے کے اوپنر احمد حسین نے کو مین آف دی فائنل، پلیئر آف دی ٹورنامنٹ اور ایونٹ کے بہترین بلے باز کے ایوارڈز دئیے گئے۔سندھ کے اذان بشیر کو بہترین باؤلر اور سدرن پنجاب کے سمیر احمد کو بہترین فیلڈر‘سندھ کے محمد رمیز کو بہترین وکٹ کیپر کا ایوارڈ دیا گیا۔