لاہور(نمائندہ سپورٹس+سپورٹس رپورٹر)کمشنر کراچی سٹی میراتھن کا دوسرا ایڈیشن شہر قائد میں 12 جنوری 2020 کو کرانے کا اعلان کردیا گیا ہے۔کمشنر کراچی افتخار شالوانی نے کہا کہ عوام کی جانب سے پچھلے سال ہونے والے میراتھن میں زبردست پزیرائی کے بعد سٹی میراتھن کا دوسرا ایڈیشن کرانے جارہے ہیں۔ گزشتہ سال ہونے والے میراتھن میں کراچی سمیت سندھ کے کئی شہروں سے کلھاڑیوں نے شرکت کی تھی۔ یہ اب بین الاقوامی ایونٹ بنتا جارہا ہے۔ غیر ملکی بھی اس میراتھن کا حصہ بن چکے ہیں۔ میراتھن ریس 12 جنوری کو معین خان اکیڈمی سے شروع ہوگی۔ دس کلومیٹر کے ٹریک پر اتھلیٹس ٹائٹل کے حصول کیلئے دوڑیں گے۔ ہمارا مقصد میراتھن میں بزرگ شہریوںکو بھی شامل کرنا ہے۔ کراچی کو پہلے ہی کرکٹ سٹی کا خطاب دیا جا چکا ہے۔ عالمی سطح پر شہر قائد کی اہمیت بڑھتی جارہی ہے۔ میراتھن ریس میں انڈر 19، انڈر 29 اور اوور 30 کیٹیگریز رکھی گئی ہیں۔