لاہور (سپورٹس رپورٹر)کالام ،برف باری میںایک روزہ سنوکبڈی ٹورنامنٹ کا انعقاد ،پانچ ٹیموں نے حصہ لیا ،ینگ چیلنجرز نے سنو لیپرڈز کو ہرارکر ٹائٹل اپنے نام کرلیا ،سنو چیمپئن شپ کا مقصد نوجوانوں کے چھپے صلاحیتوں کواُجاگر کرنا ہے۔کالام میں گزشتہ سال کی طرح اس سال بھی ایک روزہ سنو کبڈی ٹورنامنٹ کا انعقاد ہوا جس میںپانچ ٹیموںکے پینتیس کھلاڑیوں نے حصہ لیا ۔فائنل میچ میںمقابلہ ینگ چیلنجر زاور سنو لیپرڈز کے ٹیموںکے مابین ہواجس میں ینگ چیلنجرز کی ٹیم نے کامیابی حاصل کرکے ٹائٹل اپنے نام کردی۔ سنو کبڈی ٹورنامنٹ کے منتظم عزیز کالامی نے کہا کہ سوات اور کالام میں سیاحت کو فروغ دینا ہے ۔ سیاحوں سے درخواست ہے کہ وہ کالام آئیں اور برف باری سے لطف اندوز ہوں ۔