اسلام آباد (نیٹ نیوز) سابق صدر جنرل (ر) پرویز مشرف کی سنگین غداری کیس میں خصوصی عدالت کے فیصلے کیخلاف اپیل اعتراض لگا کر واپس کر دی گئی۔ ذرائع کا کہنا ہے کہ سپریم کورٹ رجسٹرار آفس نے فیصلے کے خلاف سابق صدر پرویز مشرف کی اپیل اعتراض لگا کر واپس کر دی ہے اور کہا کہ سزا یافتہ جب تک خود کو قانون کے سامنے پیش نہ کرے اپیل دائر نہیں ہو سکتی۔ سابق صدر پرویز مشرف نے خصوصی عدالت سے سزائے موت سنائے جانے کا فیصلہ 16 جنوری کو سپریم کورٹ میں چیلنج کیا تھا۔