لاہور(سپورٹس ڈیسک) جنوبی افریقہ میں جاری انڈر19کرکٹ ورلڈ کپ میں ویسٹ انڈیزنے آسٹریلیا ‘بنگلہ دیش نے زمبابوے ‘متحدہ عرب امارات نے کینیڈا کو شکست دیدی ۔ نیوزی لینڈ اور جاپان کے درمیان میچ بارش کی نذر ہوگیا ۔آسٹریلوی جونیئر ٹیم 35.4اوورز میں 179رنز پر ڈھیر ہوگئی ۔ فریزر میگرک 84‘روئے 40رنز بناکر نمایاں رہے ۔آٹھ کھلاڑی ڈبل فیگر میں بھی داخل نہ ہوسکے ۔ سیلز نے چار جبکہ فورڈ نے تین کھلاڑیوں کوآئوٹ کیا۔ ویسٹ انڈیز جونیئر ٹیم نے ہدف46اوورز میں سات وکٹوں پرپوراکرلیا ۔ ینگ61رنز بناکر نمایاں رہے ۔ سنگھا نے چار وکٹیں حاصل کیں ۔ نعیم ینگ کو میچ کا بہترین کھلاڑی قرار دیاگیا۔ زمبابوے نے بارش سے متاثرہ میچ میں28.1اوورز میں 6وکٹوں پر 137رنز بنائے ۔ بنگلہ دیش کو 22اوورز یں 130رنز کاہدف ملاجو 11.2 اوورز میں ایک وکٹ پرپورا کرلیا گیا ۔پرویز حسین ایمن 58اور محمود الحسن 38رنز پرناقابل شکست رہے ۔ متحدہ عرب امارات نے 8وکٹوں پر 231رنز بنائے ۔ مہیر پٹیل 90رنز بناکر نمایاں رہے ۔ شرمانے تین ‘چیتھیا ‘لاکرانے دو دو کھلاڑیوں کوآئو ٹ کیا۔ متحدہ عرب امارات نے ہدف 38.4اوورز میں 2وکٹوں پرپورا کرلیا ۔ فجی جوہان نے ناقابل شکست 102رنز بنائے ۔ کپتان لاکرا نے 66رنز کی اننگز کھیلی۔ فجی جوہان کو میچ کا میچ کا بہترین کھلاڑی قرار دیاگیا ۔ نیوزی لینڈ اور جاپان کے درمیان میچ بارش کی نذر ہوگیا۔ نیوزی لینڈ نے 28.5اوورزمیں 2وکٹوں پر 195رنز بنائے تھے کہ بارش شروع ہوگئی ۔ مائیرو 51‘وائٹ80رنز بناکر آئوٹ ہوئے ۔ بارش کا سلسلہ نہ رکنے پر امپائرز نے میچ ختم کرنے کا اعلان کردیا ۔