لاہور (سپورٹس سپورٹس)راولپنڈی کے ایوب پارک اسٹیڈیم میں نئی آسٹروٹرف کا افتتاح‘ پاکستان سینئر اور جونیئر ہاکی ٹیموں کے درمیان نمائشی میچ سے ہوا۔ ملک کے مختلف شہروں میں آ سٹرو ٹرف کی تعداد 25 سے زائد ہوگئی ہے۔ یہ ٹرف ماڑی پیٹرولیم گیس کی جانب سے لگوائی گئی ہے جس نے ہاکی ٹیم بھی تشکیل دی ہے۔افتتاحی تقریب میں پی ایچ ایف کے صدر بریگیڈئیر (ر) خالد کھوکھر اور سکرٹری آصف باجوہ، سابق کپتان منظور الحسن، شہناز شیخ، رشید جونیئر اور گیس کمپنی کے ایم ڈی لیفٹیننٹ جنرل اشفاق ندیم اور ہاکی کے دیگر کھلاڑیوں نے بھی شرکت کی۔ پاکستان سینئر اور جونیئر ہاکی ٹیموں کے درمیان کھیلا گیا نمائشی میچ برابر رہا۔