واشنگٹن (اے پی پی) امریکہ کے شہر ہونولولو میں فائرنگ کے نتیجے میں 2 پولیس اہلکار ہلاک ہوگئے۔ امریکی ذرائع ابلاغ کے مطابق گذشتہ روز ہونولولو میں نامعلوم مسلح شخص نے ڈائمنڈ ہیڈ سٹیٹ یادگار کے قریب فائرنگ کر دی کس کے باعث آگ بھڑک اٹھی جس نے پوری عمارت کو اپنی لپیٹ میں لے لیا۔آتشزدگی کے نتیجے میں 2 پولیس اہلکار زخمی ہو گئے جنہیں قریبی ہسپتال منتقل کیا گیا جہاں دونوں زخموں کی تاب نہ لاتے ہوئے ہلاک ہو گئے۔ پولیس کا کہنا ہے کہ مشتبہ شخص کی شناخت 69 سالہ جیری ہنیل کے نام سے ہوئی ہے اور خیال ہے کہ اس نے مبینہ طور پر عمارت میں آگ لگائی جس کے دوران خود بھی جھلس کر ہلاک ہو گیا ہے۔ پولیس نے واقعے کی تحقیقات شروع کر دی ہیں۔