چیئر مین جوائنٹ چیفس آف سٹاف کمیٹی جنرل ندیم رضا کا دورہ ائر ہیڈکوارٹر
اسلام آباد( سٹاف رپورٹر) چیئر مین جوائنٹ چیفس آف اسٹاف کمیٹی جنرل ندیم رضا کا عہدہ سنبھالنے کے بعد گزشتہ روز ائیر ہیڈ کوارٹرز اسلام آباد کا پہلا دورہ کیا۔ جنرل ندیم رضا نے پاک فضائیہ کے سربراہ ائیر چیف مارشل مجاہد انور خان سے ملاقات کی۔ بعد ازاں ملاقات میں دونوں سربراہان نے پیشہ ورانہ امور پر تبادلہ ء خیال کیا ۔ ائیر چیف نے پاک فضائیہ کے جاری منصوبہ جات پر روشنی ڈالی۔ چیئر مین جوائنٹ چیفس آف اسٹاف کمیٹی نے آپریشن سوئفٹ ریٹورٹ کے دوران پاک فضائیہ کے ہوا بازوں کی جرات و بہادری کی تعریف کی۔ انہوں نے پاک فضائیہ کے افسران اور ائیر مین کے جذبے کو سراہا اور پاک فضائیہ کی جنگی استعداد اور تیاریوں پر اطمینان کا اظہار کیا۔قبل ازیں چیئر مین جوائنٹ چیفس آف ا سٹاف کمیٹی کی ائیرہیڈ کوارٹرز ائیر ہیڈ کوارٹرز آمد پر پاک فضائیہ کے سربراہ ائیر چیف مارشل مجاہد انور خان نے ان کا استقبال کیا۔ پاک فضائیہ کے ایک چاق وچوبند دستے نے انہیںگارڈ آف آنر پیش کیا۔ اس کے بعد انہوں نے پاک فضائیہ کے شہداء کو خراج تحسین پیش کرنے کیلئے یادگار شہداء پر پھولوں کی چادر چڑھائی۔
