راولپنڈی (اپنے سٹاف رپورٹر سے)جرمنی کے سفیر برنہارڈ شلاج ہیک نے منگل کے روزچئیر پرسن چائلڈپروٹیکشن بیورو سارہ احمد کے ہمراہ چائلڈ پروٹیکشن بیورو راولپنڈی کا دورہ کیا۔اس موقع پر چئیر پرسن چائلڈ پروٹیکشن بیورو سارہ احمد نے جرمن سفیر کو چائلڈ پروٹیکشن بیورو کے حوالے سے بریفنگ دی اور بچوں کو دی جانے والی سہولیات سے آگاہ کیا۔جرمن سفیر نے چائلڈ پروٹیکشن بیوروراولپنڈی کے دورہ کے دوران بچوں کے رہائشی ہاسٹل اور چائلڈ پروٹیکشن سکول کا معائنہ کیا اس دوران انہوں نے بچوں سے بات چیت کی۔