شاہ سلمان کے چچا زاد بھائی انتقال کر گئے
ریاض (اے پی پی) شاہ سلمان بن عبدالعزیز کے چچا زاد بھائی شہزادہ بندر بن محمد بن عبدالرحمن بن فیصل آل سعود انتقال کرگئے ۔ریاض کی امام ترکی جامع مسجد میں ان کی نماز جنازہ ادا کی گئی۔سعودی خبر رساں ادارے کے مطابق خادم حرمین شریفین شاہ سلمان بن عبدالعزیز، گورنر ریاض شہزادہ فیصل بن بندر، ولی عہد شہزادہ محمد بن سلمان، بھی نماز جنازہ میں شریک ہوئے ۔ شہزادہ بندر بن محمد مملکت کے حکمراں خاندان کے صف اول کی شخصیات میں شامل تھے۔ ایوان شاہی اور بیشتر شہزادوں نے ان کی وفات پر شاہ سلمان اور ولی عہد سے اظہار تعزیت کیا ہے۔
