لاہور (صباح نیوز)آفیشل سپوکس پرسن چیف منسٹر پنجاب و رکن پنجاب اسمبلی سعدیہ سہیل رانا نے ایک قرارداد پنجاب اسمبلی میں جمع کروا دی ہے جس میں کہا گیا ہے کہ نئے غزنوی بیلسٹک میزائل کا کامیاب تجربہ قابل تحسین ہے غزنوی کے تجربے سے پاکستان کا دفاع مزید مضبوط ہوا ہے۔ قوم کو اپنی افواج اور میزائل ساز عملے کی اعلیٰ کارکردگی پر فخر ہے۔ میزائل 290 کلو میٹر تک زمین سے زمین تک ہدف کو نشانہ بنا سکتا ہے۔