نارنگ منڈی (نامہ نگار) تھانہ نارنگ کے علاقہ نواحی گائوں کالا خطائی میں غبارے میں گیس بھرنے والا سلنڈر (گیس ٹینکی) خوفناک دھماکہ سے پھٹ گیا، چار سالہ بچی ایشال جاں بحق اورتین بچیوں سمیت سات افراد شدید زخمی ہو گئے جنہیں لاہور کے ہسپتال میں داخل کروا دیا گیا ہے جبکہ غبارے والا اور گائوں کے محمد اعجاز اور ارشد بھی شدید زخمی ہو گئے۔ بتایا جاتا ہے کہ آج سہ پہر کو ایک شخص سائیکل پر سلنڈر رکھ کر غباروں میں گیس بھر کر فروخت کر رہا تھا کہ خستہ حال سلنڈر اچانک پھٹ گیا جس کے باعث غبارہ خریدنے کیلئے کھڑی محمد یاسین کی بچی موقع پر ہلاک ہو گئی جبکہ کرسچین بچی اور دکان دار کی حالت نازک بیان کی جاتی ہے۔