لاہور(نمائندہ سپورٹس+سپورٹس رپورٹر)پاکستان سپر لیگ کی ٹیم پشاور زلمی نے پانچویں سیزن کیلئے کٹ اور ترانے ٹیزر جاری کردیا۔ ترانے کے ٹیزر میں سٹار کھلاڑیوں کامران اکمل، حسن علی، وہاب ریاض، امام الحق اور شوبز ستاروں مہوش حیات اور ہانیہ عامر بھی جلوہ گر ہوئی ہیں۔پشاور زلمی کے چیئرمین جاوید آفریدی نے کہا کہ پشاور زلمی کا آفیشل ترانہ پشتو کی ایسی منفرد دھن میں بنایا گیا ہے جو اس سے قبل کبھی نہیں سنا گیا اور یہ ترانہ پی ایس ایل فائیو میں مداحوں کے دل کی دھڑکن اور زبان پر ہوگا۔سیزن فائیوکیلئے پشاور زلمی نے دو کٹس لانچ کی ہیں، اصل کٹ کیساتھ ایک متبادل کٹ بھی تیار کی گئی ہے اور اس کو بھی لانچ کیا گیا ہے ۔ کٹ کو امریکن کمپنی کے اشتراک سے تیار کیا گیا ہے۔