لاہور(سپورٹس رپورٹر+نمائندہ سپورٹس )پاکستان سپر لیگ کی فرنچائزز نے سیزن فائیو کیلئے اپنے برانڈ ایمبیسڈ ر کے ناموں پر غور شروع کر دیا ۔ پی سی ایل کے مقابلے 20فروری سے شروع ہوں گے۔ذرائع کے مطابق پی ایس ایل کی فرنچائز نے سیزن فائیو کے لئے اپنے برانڈ ایمبیسڈ ر کے ناموں پر غور شروع کر دیا ہے ۔ ذرائع کے مطابق فرنچائز انتظامیہ کی جانب سے شاہکار ڈرامہ سیریل میرے پاس تم ہو کے اداکاروں کے ناموں پر بھی غور کیا جارہا ہے تاہم اس حوالے سے حتمی سامنے نہیں آسکا۔ علاوہ ازیں مائرہ خان ،احسن خان ، نیلم منیر ، عطا اللہ عیسی خیلوی، عارف لوہار سمیت دیگر ناموں پر غور جاری ہے ۔