لاہور(نامہ نگار) ڈاکوؤں اور چوروں نے شہرکے مختلف علاقوں میںوارداتوں کے دوران متعدد شہریوں سے لاکھوں روپے مالیت کی نقدی، طلائی زیورات، موبائل فون، گاڑیاں ، موٹر سائیکلیں اور دیگر سامان لوٹ لیا۔تفصیلات کے مطابق ڈاکوؤں نے شمالی چھاؤنی کے علاقہ میں یونس کے گھرگھس کر اہلخانہ کو گن پوائنٹ پر یرغمال بنا کر6لا کھ 20ہزار روپے مالیت، نصیر آباد میں نواز کے گھر سے 4 لاکھ 10ہزار روپے مالیت، اقبال ٹائون میں اشرف کے گھرسے3لاکھ 60ہزار روپے مالیت، گرین ٹاؤن میں کامران کے گھر سے ڈھائی لاکھ روپے مالیت کی نقدی، طلائی زیورات، موبائل فون اور دیگر سامان، لیاقت آباد میں رحمان کی فیملی سے 3لا کھ روپے مالیت، ڈیفنس میں بلال کی فیملی سے2 لاکھ روپے مالیت کی نقدی، طلائی زیورات اور موبائل فون لوٹ لئے اور راہزنی کی وارداتوں میں6 شہریوں سے ہزاروں روپے نقدی اور موبائل فون لوٹ لئے ہیں۔ چوروں نے اچھرہ، ڈیفنس اور گڑھی شاہو کے علاقوں سے3 کاریں جبکہ گلبرگ، مستی گیٹ، راوی روڈ، وحدت کالونی اور ستوکتلہکے علاقوں سے 5موٹر سائیکلیں چوری کرلی ہیں۔