لاہور(سپورٹس رپورٹر) لاہور پولو اینڈ کنٹری کلب کے زیراہتمام ماسٹر پینٹس پولو کپ 2020ء کے دوسرے دن ماسٹر پینٹس نے باڑیز کو 7.5-5 سے جبکہ پلاٹینم ہومز نے ذکی فارمز ٹیم کو 12-5.5 سے ہرا دیا۔ ماسٹر پینٹس اور باڑیز کے درمیان مقابلہ ماسٹر پینٹس نے7.5-5 سے جیتا۔ ماسٹر پینٹس کی طرف سے مینول ایڈورڈ کرنزانے چار جبکہ صوفی محمد عامر نے تین گول سکور کیے۔

باڑیز کی طرف سے تمام گول راجہ سمیع اللہ نے سکور کیے۔ دوسرے میچ میں پلاٹینم ہومزٹیم نے ذکی فارم ٹیم کو 12-5.5 سے ہرایا۔ پلاٹینم ہومز کی طرف سے عامر رضا بہبودی نے آٹھ خوبصورت گول سکور کیے دیگر میں فاروق امین صوفی نے دو جبکہ قدیر اشفاق اور فیصل شہزاد نے ایک ایک گول سکورکیا۔